Bloedbloem

We hebben gister een prachtige dag in Papendrecht had. Om half negen bin ‘k bi’j Jan en Ellie in de auto stapt en twie uren laeter wawwe in Papendrecht bi’j Ria te plak. We hebben d’r koffie-/theedronken, bi’jpraot, en tussen de middag hewwe d’r gruuntesoep en stokbrood had. En doe kwam et uutkommen van heur eerste autobiografische boek Bloedbloem. Een prachtig uutvoerd boek mit een had omslag van 340 bladzieden. In dit boek beschrift ze heur kiendertied tot an heur huwelik mit Wim. In et echt hiet heur ex-man aanders. Marga den Bok het wat uut et boek veurlezen. En netuurlik hewwe allemaole een boek kocht. Dit staot o.e. op ‘e aachterflappe: Marietje Oosterhof, later Ria genoemd, is een Fries boerenmeisje dat haar ‘roots’ heeft in Weststellingwerf, een regio in het zuidoosten van Friesland met een eigen taal en aard. Al meteen bij haar geboorte kregen vader en moeder Oosterhof van de huisarts te horen dat Marietje een ‘overgevoelige baby’ was. Desondanks kreeg het meisje een jeugd vol onbegrip en onvermogen, afwijzing en afkeuring. Soms kan et helpen en schrief alles wat je in et leven overkommen is op. Soms helpt et niet, omdat et vat gewoon te vol zerigheden zit. Ik wete d’r alles van en begriepe Ria zo goed. We hebben in Papendrecht gisteraovend ok nog stamppot boeremoes had en bin daor om half achte weer in de auto stapt. Om half tiene wa’k thuus en doe dee blieken dat ze me daor stiekem veur twie daegen stamppot boeremoes in de tasse stopt hadden. Lekker en makkelik. Hieronder een foto die ‘k gistermiddag maekt hebbe. Ria mit heur eerste boek Bloedbloem.