Johan Veenstra
Stellingwarver schriever en verteller

Bloed

Plaetst op 28 augustus 2023.

Aj’m niet tegen bloed kunnen, moej’m mar niet veerderlezen. Vandemiddag he’k weer kontakt mit de chirurg had. Ik moet de medesienen die ‘k drie keer daegs bruke om de daarm weer wat gewoon op gang te kriegen disse weke nogĀ  bruken. En dan ankem weke twie keer daegs perberen. As dat niet gaot, dan weer drie keer daegs. En as et nao een maond nog niet wil, dan mar naor de huusdokter. Daor bin ‘k vandemiddag ok nog onverwaachs west. Ik was an et ofwasken en doe leut ik een glas an duzend stokkies op ‘e tegels van de keukenvloer valen. Ik zol de boel opvegen en gong op iene kni’je op ‘e vloer liggen. Stom! Een glasspinter stak dwas deur mien lange broek henne en et was inienend allemaole bloed. Ik hebbe de boel wat uutwusken, d’r een pleister op daon, en de dokter beld om advies. Die het de boel dus liemd. Et was een kleine mar diepe snee. Ik wete niet as ze dat liemen mit velpon daon het…