Big Pretty Lady

Vandemiddag wa’k bi’j en in et gemientehuus in Wolvege. Daor wodde butendeure, in de regen, bi’j de ziedingang van et gemientehuus et beeld Big Pretty Lady van Guus Hellegers onthuld deur wethoolder Roelof Theun Hoen en Marion Hellegers, de wedevrouw van Guus. Et beeld dat now butendeure staot, is ankocht deur de gemiente. De femilie Hellegers schonk een klein beeld dat in et gemientehuus een plakkien kregen het. Butendeure kwam wethoolder Hoen an et woord. In et gemientehuus vertelde Pieter Jonker over et wark van Guus Hellegers en Marion Hellegers vertelde hoe et beeld maekt was en bedaankte iederiene. Et was een genoeglike middag en d’r weren lekkere happies en draankies.

Jarmo het d’r veur zorgd dat ik now weer foto’s vanof mien tillefoon versturen kan naor mien mailadres. Daoromme hieronder nog twie foto’s die ‘k eregister maekt hebbe in de Pooldertuun van Anna Paulowna. Is et daor niet mooi?