Johan Veenstra
Stellingwarver schriever en verteller

Bertha

Plaetst op 1 feberwaori 2023.

Ik bin vandemiddag bi’j kapster Bertha west en zi’j het me et haor bekubbed en zo. Eerst he’k d’r een koppien thee mit een plakkien koeke mit botter had. Doe het ze me een stok knapper en antrekkeliker maekt deur die bekubberi’je en vervolgens he’k d’r een koppien sop, een uutsmieter en nog een koppien thee mit een sukelaogien had. In de flat van Bertha dot de lift et niet meer. Veur et maeken van die lift is een chip neudig en d’r is gien chip, want die moet uut China kommen. En komt die wel? D’r bin now trapliften bi’j de trappen langes anlegd zodat de meensken die niet zo makkelik meer trappelopen kunnen toch nog beneden kommen kunnen. Et is toch ok wat. Hieronder nog een foto van gister van ien van de iesbeelden in Zwolle.