Belcampo

Ik hebbe de verhaelebundel Het grote gebeuren van Belcampo lezen. Belcampo was et pseudoniem van Herman Pieter Schönfeld Wichers. Hi’j wodde in 1902 geboren in Naarden, mar woonde in zien jonkhied in et Twentse Riessen. Hi’j het ok huusdokter west in Bathmen. De verhaelen zitten vol fantesie. In dit boek staon de verhaelen van Amsterdam en Overiessel. Et aorige is vanzels dat de schriever de meensken in zien Overiesselse verhaelen Twents praoten lat. Dat is mooi!

D’r kwam vandeweke een kaorte van Jan en Diana uut et mooie Schoorl. Ze schrieven aachter op ‘e kaorte dat ze de hiele weke an de kust zitten. Dan hebben ze grif ok wel een fietstocht deur de Schoorlse Dunen maekt. Dat heb ik twie keer daon en et is daor prachtig!