Bataviastad

We bin vandaege naor Bataviastad west, et grote winkelcentrum in Lelystad. In de Chocolate Company hewwe heerlike hiete poeiermelk had en al lieke lekker gebak mit witte sukelao. Vaeke is de poeiermelk lauw aj’ die argens bestellen, mar disse was zoas et heurt: hiete. We hebben uutgebreid winkeld. Ik hebbe wat kocht bi’j Björn Borg en Muchachomalo. Dan weten jim wel wat a’k kocht hebbe. We hebben vanzels ok even bi’j de mooie Batavia keken die daor in de haven leit. Vroeger wodden bi’j aovende en naachte zomar opscheuten jongen van de straote plokt en veurdat ze d’r arg in hadden, zatten ze op een schip naor Indië en was et hoogst twiefelachtig as ze ooit weerommekommen zollen. Zo hewwe dat op schoele leerd. Op ‘e weerommereize hewwe op Urk bi’j Baarssen an de haven lekker eten had. Ik hadde heerlike kibbeling en petat. Super! Hieronder twie foto’s die ‘k vandemiddag maekt hebbe. Boven: de mooie replika van de Batavia. Onder: de haven van Urk.