Bataviastad

We bin d’r eindelik es weer een dag op uut west. Deur omstaandigheden kon dat een schoffien niet. We bin vandaege naor Bataviastad west bi’j Lelystad. We hebben daor eerst elk een beker poeiermelk en een hiempe appelkrummeltaart had en doe hewwe vanzels winkeld. De winkels State of Art en Björn Borg hebben beste klaanten an oons had. Op ‘e weerommereize kwammen we in een enorm lange file terechte. An et begin van de Ketelbrogge was wat gebeurd en daor mossen we allemaole naor iene riebaene. Over tien kilemeter hewwe veertig menuten daon. Dan schöt et niet echt op. We hebben vanaovend heerlik eten in resteraant De Fûke in Echten. Ik hebbe roodbaorsfilet had. Hiel lekker! Et was een blinders mooie dag! Hieronder twie foto’s die ‘k vandaege maekt hebbe. Boven: de spiegel van et prachtige VOC-schip Batavia dat daor ligt. Onder: dit is ien van de ingangen van Bataviastad. Overal bluuiden de tietelozen prachtig!