Bakdag

Nao de stoofpeerties en appelsmotse-weckdag van gister, was et hier vandaege een bakdag. Ik hebbe een ontbijtkoeke bakt mit hunning en alderhaande kruden. Butendat he’k spekelaos bakt. In MAX-Magazine ston een recept van Enzo, de winner van et negende seizoen van Hiel Hollaand Bakt. Dat he’k vleden weke uutperbeerd mit kaant en klaore spekelaoskruden deur de bloem. Hiel lekker! Mar et moet neffens Enzo nog lekkerder wezen aj’ alle kruden d’r ofzunderlik deur doen: keneel, gember, neutmuskaot, aniespoeier, kruudnaegel en kardemon. Et spul staot now in de ovend, dat ik bin slim beni’jd as Enzo geliek het. Ik zal et dommiet wel zien en pruven!