Johan Veenstra
Stellingwarver schriever en verteller

Autorieden

Plaetst op 20 meert 2024.

Vandaege he’k sund een weke weer even in de auto vot west. In Wolvege he’k naor de mark en de supermark west. Ik kwam Koosje vaeke op ‘e ¬†woensdagse mark tegen, mar dat zal now nooit meer gebeuren. Ik kreeg vandemorgen onderwegens wel vuuf keer praot. Verschillende meensken wollen weten hoe et mit me was, omdat ze disse stokkies lezen. Ik hebbe ok een Steern van Bethlehem kocht. A’k die argens te koop zie, koop ik d’r iene. Et dot me an vroeger, et oolde huus en mien moeder daenken. Die hadde blauwe en witte Steerns van Bethlehem. Ik hebbe een witten iene kocht, blauwen weren d’r niet. Vandemiddag he’k foto’s maekt in Berkoop van et gebouw van de Stellingwarver Schrieversronte en et bod mit de Stellingwarver tekst op ‘e gevel. Dat wodt nommer 500 in de bekende internetserie Stellingwarfs in ’t wild. Ik hebbe mitien de mooie villa Vredewoold mar even op petret zet. Zie hieronder. Ik hebbe heurd dat et huus te koop staot. Dat aj’m nog een peer buuscenten in ’t fikkien hebben… Koop dit huus en kom naor et mooie d√∂rp Berkoop!