Johan Veenstra
Stellingwarver schriever en verteller

Auto

Plaetst op 22 september 2022.

Vandemorgen he’k mit de auto naor de gerage in Et Vene west veur de jaorlikse beurt. Gelokkig kwam d’r niet vule geld bi’j et deur heur veurspelde bedrag dat et kosten zol. Dat was vleden jaor wel aanders. Et bin in de regel dure adressen om henne te gaon. Ze hebben de auto ok even veur me wusken. Hiel mooi, want dat wark doe ik nooit. Ik gao misschien twie keer in et jaor naor de wasstraote en dan is et mi’j veerder wel goed. Mar now hoeft dat veurlopig ok niet. Ik hebbe een fiets van heur mitkregen, dat wiels zi’j mit mien auto an de gang weren, bin ik bi’j Haarm en Jacob west. Now he’k daor ok es weer even west. Hieronder nog een foto die ‘k gister in et mooie Kaelenbarg maekt hebbe.