Aris Bouwens

Plaetst op 8 augustus 2024.

Vandaege he’k nog een kondelaosiebrief stuurd naor Corrie, de wedevrouw van Aris Bouwens (1944-2024). Aris is begin meie wegraekt. Hi’j was et gezicht van West-Frieslaand en et West-Fries. Ik hebbe meerdere keren optreden in heur theatertien Op Skoôt in Noord-Scharwoolde. Ie mossen haost letterlik bi’j mekaander op ‘e schoot zitten, zo klein was et. As d’r 25 meensken zatten was et vol. Mar ok Lenny Kuhr vuulde heur niet te min en kom daor te zingen. Ik hebbe mit Aris ok al es een optreden verzorgd veur de plattelaansvrouwluden in Langediek. Hi’j is ok wel mit de West-Friese schrievers bi’j oons op vesite west bi’j de Schrieversronte in Berkoop. En ik bin bi’j de West-Friese schrievers west. En now is Aris d’r niet meer. Al skroivendevort het Aris veur een protte meensken van grote betekenis west. Mooie herinnerings blieven over…