Appelsche

Vandemiddag he’k van drie tot zes ure in Appelsche west. Ik moch daor verhaelen vertellen in De Den, dat is daor een onderdiel van Riemsoord. Ik moch vertellen veur de leden van de V.V.E. van et Van Emstplein. Dat is een verieninge van eigeners van huzen in een flat an et Van Emstplein. Ze bestonnen as verieninge 25 jaor, dat ze hadden zodoende een fesien. Et was een hatstikke gezellige middag. We bin begonnen mit gebak en eindigd mit bitterballen. Ik hebbe d’r zokrek viere had, dat ik kan dommiet wel een plakkien bolle minder nemen. Ik hebbe tussen de bedrieven deur twie keer een half ure verteld. Dommiet eet ik ien stokkien Grunninger hadbrood en dan kiek ik vanaovend, zoas elke zaoterdagaovend de laeste tied, naor de mooie Noorse misdaodserie Wisting.