Albertine Agnes

De Stichting Nassau en Friesland, daor ik lid van bin, bestaot van ’t jaor 25 jaor en dat wodt vierd mit een groot tal jubileumlezings in alderhaande plakken in de perveensie Frieslaand. Ik gao vanaovend naor de lezing van Sunny Jansen over Albertine Agnes, de vrouw die Frieslaand redde. Ze schreef d’r een boek over. Albertine Agnes (1634-1696) was een dochter van stadhoolder Frederik Hendrik en Amalia van Solms. Zi’j leuten neffens mi’j et Haagse peleis Huis ten Bosch bouwen. Willem van Oranje was zodoende de grootvader van Albertine Agnes. Ze trouwde mit de Friese stadhoolder Willem Frederik van Nassau-Dietz. As regentesse mos ze heur in et Rampjaor 1672 verweren tegen de Bisschop van Münster, Bommen Berend. Hi’j voerde oorlog tegen oons. De Friese Waeterlinie brocht uutkomst. Dat is dit jaor 350 jaor leden. Albertine Agnes kocht een laandgoed in Oranjewoold. Et wodt grif een mooie aovend in Museum Heerenveen!