Al weer vot te vertellen…

Vandemorgen hebben de beide tuunmannen de tuun beredded en vandemiddag het Anke et huus schonemaekt. Alles is now weer lieke netties, in en om huus. Poes en ik kun d’r now weer een bende van maeken.

Krek as eregister za’k aanst weer naor Saakje toe op ‘e Harkema. Et is de bedoeling da’k bi’j heur een peer plakkies bolle kriege, van daor za’k dan naor Surhuustervene. Daor ma’k vanaovend vertellen veur een beheurlike groep vrouwluden in Kolkzicht. Ik bin in et verleden zeker drie keer eerder bi’j heur west. As et vertellen krek zo goed gaot as gister en eregister wodt et ongetwiefeld een mooie aovend.

D’r kwam gister een kaorte van Haarm en Jacob uut Schoorl. Ze hebben een dag of wat in een vekaansiehuus in Groet zeten, mar bin neffens mi’j (al lange) weer thuus. Haarm schrift dat ze nao mooie daegen ok een peer regenachtige daegen kregen.