Aende Eupen Stal

Et was hier hiel genoeglik mit aachternichte Ria, we hebben lekker bi’jpraoten kund, en ze is vandemorgen om tien ure weer op Papendrecht an gaon. Ik was vandemiddag veur de eerste keer weer van 1 tot nao 6 ure op ‘e Eupen Stal in Berkoop. Et was de laeste dag. Om ien ure begon et drekt te regenen en te onweren. Vreselik. We dochten dat d’r praktisch gien meens kommen zol, mar et klaorde op en wodde best nog mooi en dreug weer. Dat doe kwam d’r nog hiel wat volk en hewwe nog goed verkocht. Zowel gister as vandaege kwammen d’r meensken om mien ni’je boek omdat ze de goeie bespreking veur de radio heurd hadden! Morgen meer, ik gao now wat eten en geve me lekker daele.