Aanst nog op stap

Vandaege het Anke et huus schonemaekt en Bert het om huus henne alle keunststof (kezienen, deuren, geuten en wiendveren) schonemaekt. En now za’k aanst nog op stap. Ik mag vanaovend vertellen in zaelecentrum Klijnsma in Wolvege. Dat is et oolde Nutsgebouw. Daor tref ik de vri’jwilligers van de Stichting Griffioenbus. Die stichting bestaot 25 jaor, vandaor dat ik kommen mag. De Griffioenbus zorgt veur anpast vervoer van deure tot deure veur meensken in een rolstoel en zo. Ik hope dat et nog even duurt veurdat ik daor an toe bin. Mar as et niet aanders kan, is et mooi daj’ op die meniere nog argens henne kunnen. Ik hebbe gister en vandaege alle verhaelen die ‘k vertellen zal nog es goed rippeteerd, dat ik hope mar dat ze d’r vanaovend goed uutkommen. Ik bin vandaege ok nog vraogd om veur roetveegpiet te speulen. Daor za’k een kollum over schrieven.