23 seconden

De vlinderstruken bluuien nog altied prachtig in de tuun en zitten vol vlinders. Dat komt omda’k de uutbluuide bloemen d’r iederkeer uutknippe. Aj’ dat doen kommen de pollen almar weer in de bluui!

Ik hebbe de roman 23 seconden van Kees van Beijnum lezen. Een mooi boek mit een slim verrassend slot. Twintig jaor nao de ‘haemermoord’ op heur moeder, een Amsterdamse raemprostituee, komt de jonge schriefster Anne weeromme op ‘e Wallen. Anne gaot op onderzuuk uut naor heur eigen bestaon en de moord op heur moeder. Al dieper en dieper duukt ze in et verleden. Naor heur jong wegraekte jeugdliefde Hayo… As ze kontakt zocht mit de moordener bin de gevolgen niet te overzien. De moordener bliekt naemelik iene aanders te wezen as de man die d’r jaoren veur in de bak zeten het.