14 juli

Ik bin vandemorgen naor de dokter west, mar ik hebbe gien kuurtien kregen. D’r is even bloedprikt en d’r blieken gien ontstekings te wezen. En ja, dan geven ze gien kuurtien, want een antibiotikakuurtien kan niks tegen een virus beginnen. D’r heerst op et ogenblik dus een aekelik virus daor nogal wat meensken langdurig last van hebben. Dat heb ik dus ok. Now ja, en dan kuj’ wel weer op huus an gaon. Et moet allemaole gewoon een protte tied hebben. Wat bin ik toch an mooi meitiedsweer toe.

Mien ni’je boek, de verhaelebundel Naozoemerlaand, wodt prissenteerd op vri’jdagaovend 14 juli in oons mfc De Ni’je Stienze in Ni’jhooltpae. Ik hebbe begrepen dat ze d’r in Frankriek die dag een feestdag van maeken.